گوێگرتن له ڕادیۆ وا له خه‌ڵكی ده‌كات كه دڵخۆشبن و ئاستێكی به‌رزی وزه و چالاكیان پێده‌به‌خشێت وه‌ك له سه‌یركردنی ته‌له‌فیزیۆن یاخود گه‌ڕان و سۆراخكردن به‌نێو ماڵپه‌ر و وێب سایته جۆراوجۆره‌كانی تۆڕی ئینته‌رنێتدا.
دیاره ئه‌مه‌ش له توێژینه‌وه‌یه‌كی نوێدا ده‌ركه‌وتووه. پتر له 1000 به‌ریتانی له‌ڕێی ته‌له‌فۆنی سمارتفۆنه‌كانیانه‌وه پرسیاری ئه‌وه‌یان لێكرا كه ئایا زیاتر چ ئامێرێكی میدیا و هه‌واڵ به‌كارده‌هێنن و كامه‌یان له‌گه‌ڵ میزاج و ئاره‌زوویان یه‌كانگیر ده‌بێت و به كامه‌یان ئاستی وزه و چوستیان به‌رزده‌بێته‌وه. بۆیان ده‌ركه‌وت كه ڕادیۆ له پۆپه‌ی ئه‌و هه‌ڵبژاردنانه‌دایه و پێشی هه‌ردوو ته‌له‌فیزیۆن و وێب سایته‌كانی داوه‌ته‌وه. له توێژینه‌وه‌كه‌دا كه به (میدیا (ئامێره‌كانی ڕاگه‌یاندن) و میزاجی نه‌ته‌وه‌یی) ناوبراوه)، كه به ڕێژه‌ی له 100% حاڵه‌تی خۆشیان پێ ده‌به‌خشێت و به‌ڕێژه‌ی 300% ئاستی چوستی و چالاكیان به‌هێز ده‌كات كاتێك كه گوێ له ڕادیۆ ده‌گرن و هیچ ئامرازێكی دیكه‌ی میدیا ئه‌و كاریگه‌رییه‌ی له‌سه‌ریان نییه به‌و شێوه‌یه. دیاره سه‌یركردنی ته‌له‌فیزیۆن و سه‌ته‌لایت و گه‌ڕان و سۆراخكردن به نێو سایته‌كانی ئینته‌رنێتدا هه‌روه‌ها به‌شێوه‌یه‌كی به‌رچاو خۆشییان پێده‌به‌خشێت و ئاستی چالاكی و چوستییان به‌رز ده‌كاته‌وه، به‌ڵام ناگات به‌و ئاسته پۆزه‌تیڤه له كاریگه‌ریی گوێگرتن له ڕادیۆ له به‌ریتانیادا.مارك باربێر به‌ڕێوه‌به‌ری پلانده‌ری نووسینگه‌ی ڕاگه‌یاندنی ڕادیۆ كه به ئه‌ركی توێژینه‌وه‌كه هه‌ڵساوه له‌و باره‌یه‌وه ده‌ڵێت: (خه‌ڵكی زۆرتر دڵخۆش و زۆرترین وزه و چوستییان تیا به‌دیده‌كرێت كاتێك كه گوێ له ڕادیۆ ده‌گرن. ڕادیۆ ڕۆڵێكی بزوێنه‌ری زۆر گرنگ ده‌بینێت له ژیانی خه‌ڵكیدا. خه‌ڵكی ڕادیۆی وه‌ك ستایلێكی پشتیوانی سیستمی ژیان به‌كارهێناوه و بۆ ئه‌وه‌ی خۆشیان هه‌ست به باشتر بكه‌ن له‌باره‌ی ژیانیانه‌وه. دوا توێژینه‌وه‌مان تیشكی خستۆته سه‌ر ده‌ستپێشخه‌ری ڕادیۆ له كاریگه‌ریی له‌سه‌ر هه‌ست و سۆزه‌كان).
توێژینه‌وه‌كه ئه‌وه‌ی ده‌رخستووه كه گوێگرتن له ڕادیۆ ڕاده‌ی ئاستی خۆشیه‌كانی خه‌ڵكی زیاد ده‌كات به نزیكه‌ی دوو ئه‌وه‌نده‌ی سه‌یركردنی ته‌له‌فیزیۆن، هه‌روه‌ها چوار جار ئه‌وه‌نده‌ی سه‌یركردنی ته‌له‌فیزیۆن وزه‌یان پێده‌به‌خشێت. به‌هه‌مان شێوه هه‌ستی خه‌ڵكی به‌رزده‌كاته‌وه كاتێك له‌سه‌ر هێڵه‌كانی ئینته‌رنێتن و گوێ له ڕادیۆ ده‌گرن. ده‌ڵێن گوێگرتن له ڕادیۆ سێ ئه‌وه‌نده هه‌ست به چالاكی و وزه ده‌كه‌ن وه‌ك له‌وه‌ی كه له‌نێو تۆڕ و سایته جۆراوجۆره‌كانی ئینته‌رنێت ده‌گه‌ڕێن، به‌ڵام به‌داخه‌وه توێژینه‌وه‌كه ئه‌وه‌ی له‌خۆنه‌گرتووه‌كه چۆن خه‌ڵكی و هه‌ست به‌چی ده‌كه‌ن كاتێك كه ڕۆژنامه یاخود گۆڤارێك ده‌خوێننه‌وه.
ئا: محه‌مه‌د ساڵح
س: خه ندان
ليست هناك تعليقات:
إرسال تعليق