به‌پێی دوایین ڕاپۆرتی ماڵپه‌ری (كۆمسكۆر) كه ماڵپه‌رێكه تایبه‌ته به‌شیكاری ژماره‌یی، ڕایگه‌یاند كه له‌ئێستادا ژماره‌ی به‌كارهێنه‌رانی گوگڵ پڵه‌س 25 ملیۆن ئه‌ندامی تێپه‌ڕاند، ئه‌ویش ته‌نها دوای ئه‌وه‌ی له 28ی حوزه‌یرانی ئه‌مساڵدا تۆڕی كۆمه‌ڵایه‌تی گوگڵ پڵه‌س كه‌وته كار.
ئه‌وه‌ی جێی سه‌رنجه تائێستا هیچ كام له‌تۆڕه كۆمه‌ڵایه‌تییه‌كانی تری وه‌كو فه‌یسبووك و تویته‌ر و مای سپه‌یس، نه‌گه‌یشتوون به‌و گه‌شه‌كردنه به‌رچاوه‌ی كه تائێستا گوگڵ پڵه‌س به‌خۆیه‌وه دیویه‌تی كه ڕۆژانه نزیكه‌ی یه‌ك میلۆن به‌شداربوو زیاد ده‌بێت بۆ ئه‌م تۆڕه.
ماڵپه‌ره‌كه ئه‌وه‌شی ڕوونكرده‌وه كه به‌كارهێنه‌رانی گوگڵ پڵه‌س نزیكه‌ی له سه‌دا 50ی كاتی خۆیان بۆ ئه‌م تۆڕه ته‌رخانده‌كه‌ن و هۆكاری ئه‌مه‌شی گه‌ڕانده‌وه بۆ ئه‌وه‌ی كه تۆڕێكی تازه‌یه و خزمه‌تگوزاری نوێی تێدایه بۆیه پێویستی به‌و كاته هه‌یه هه‌تاوه‌كو بتوانرێت ته‌واوی خزمه‌تگوزراییه‌كانی شاره‌زاببن.
س: خه ندان
ليست هناك تعليقات:
إرسال تعليق