دوای ئه‌و وه‌به‌رهێنانه گه‌وره‌یه‌ی ئه‌نجامیدا، نرخی تویته‌ر له‌حاڵی ئێستادا به هه‌شت بلیۆن دۆلاری ئه‌مریكی مه‌زنده ده‌كرێت.
پێگه‌ی میدیای كۆمه‌ڵایه‌تی كه به‌هۆی (DST) جیهانیه‌وه پشتیوانی كراوه گه‌یشتۆته 400 ملیۆن دۆلار، هه‌روه‌ك ده‌بینین نرخه‌كه له مانگی دیسه‌مبه‌ره‌وه بووه‌ته دوو ئه‌وه‌نده و قه‌ره‌باڵغی ڕۆژانه‌شی له‌مساڵدا سێ ئه‌وه‌نده زیادی كردووه. تویته‌ر (Twitter)، ئه‌و وێب سایته‌ی (ماڵپه‌ره‌ی) بلوگه بچكۆله‌ی (microblogging) كه ڕێگه‌ی به به‌كارهێنه‌رانی ده‌دا كه نامه‌كانیان تا سنووری (140) كاراكته‌ر و بگره كه‌متریش تویت (tweet) بكه‌ن، ئێستا نرخی ئه‌م پێگه‌یه گه‌یشتۆته هه‌شت بلیۆن دۆلاری ئه‌مریكی واته (4.9 بلیۆن پاوه‌نده). دیاره دیاریكردنی ئه‌م نرخه نوێیه بۆ تویته‌ر دوای ئه‌و 400 ملیۆن دۆلاره دێت كه له بازاڕه‌كانی جیهاندا وه‌به‌ریهێنا. تویته‌ر له‌ئێستادا خاوه‌نی سامانێكه كه به‌قه‌ده‌ر سامانی ئاژانسی (Moody) ده‌بێت كه له شه‌ش مانگی یه‌كه‌می ساڵی 2011دا داهاته‌كه‌ی گه‌یشتۆته 1.2 بلیۆن دۆلاری ئه‌مریكی و خه‌ریكه ببێته هاوتای ماركس و سپێنسه‌ر (Marks & Spencer) له نرخدا. ئه‌م نرخاندنه گه‌وره‌یه ڕه‌نگدانه‌وه‌ی پێشبینییه‌كی گه‌وره ده‌دات به كۆمپانیاكه. به‌پێی دووپاتكردنه‌وه‌ی وه‌به‌رهێنانه‌كان، تویته‌ر ئه‌وه‌ی ڕاگه‌یاندووه كه له حاڵی ئێستادا به‌كارهێنه‌ره‌كانی ڕۆژانه 200 ملیۆن (تویت) (tweets) ده‌نێرن، له‌كاتێكدا له ساڵی پاردا ئه‌و ژماره‌یه (65 ملیۆن) بووه. كۆمپانیاكه له‌و باره‌یه‌وه ده‌ڵێت: (یه‌ك ساڵ له‌مه‌وبه‌ر نزیكه‌ی 150000 تۆماركه‌ری (apps) تویته‌ر هه‌بوو. ئێستا زیاتر له یه‌ك ملیۆن په‌یوه‌سته به تویته‌ره‌وه. هه‌روه‌ها تیمه‌كه‌ی كاره‌كه‌شمان له 250 كه‌سه‌وه په‌ره‌یسه‌ندووه و بووه‌ته 600 كه‌س له ماوه‌ی ئه‌م 12 مانگه‌ی ڕابردوودا). ئه‌م دامه‌زراوه وه‌به‌رهێنه‌ره نوێیانه‌شمان به‌شێكه له‌و 800 ملیۆن دۆلاره كه تویته‌ر ده‌یه‌وێت ڕێژه‌كه‌ی به‌رزبكاته‌وه، دامه‌زراوه وه‌به‌رهێنه‌ره‌كه‌ش له‌لایه‌ن بلیۆنه‌رێكی ڕوسیه‌وه به‌ڕێوه‌ده‌برێت كه ناوی (یۆری میلنه‌ر)ه كه به‌شی هه‌یه له تۆڕی كۆمه‌ڵایه‌تی فه‌یسبووك (Facebook) و كۆمپانیای زینگای (online gaming) و كۆمپانیای (Groupon). پێده‌چێت تویته‌ر نیوه‌ی ئه‌م پاره‌یه بۆ كڕینی پشكی به‌كارهێنه‌ران و پشتیوانانی به‌كاربهێنێت. به‌شی تری پاره‌كه له‌پێناو په‌ره‌پێدانی خزمه‌تگوزارییه‌كانی باره‌گای سانفرانسیسكۆ (San Francisco-based)ی كۆمپانیاكه‌دا به‌كاریده‌هێنێت كه بره‌وی بانگه‌واز و ڕیكلامه‌كانی هاوتای كێبڕكێكاره‌كانی وه‌ك فه‌یسبووكه. ڕه‌نگه له‌ماوه‌ی ئه‌م دواییه‌ی ئه‌مساڵدا تویته‌ر بتوانێت 150 ملیۆن دۆلار له بانگه‌واز و ڕیكلامدا كۆبكاته‌وه كه سێ ئه‌وه‌نده‌ی ساڵی پار ده‌بێت. نرخاندنی تویته‌ر به هه‌شت بلیۆن دۆلار دوو ئه‌وه‌نده‌ی ئه‌و نرخاندنه‌یه كه دیسه‌مبه‌ری ساڵی پار نرخێندرا كاتێك كه (كلاین پێركینس)ی وه‌به‌رهێنه‌ری كۆمپانیای (Silicon Valley) له‌م كۆمپانیایه‌دا 200 ملیۆن دۆلار وه‌به‌رهێنانی كرد. هه‌روه‌ها تویته‌ر به‌نیازه كه له‌نده‌ن وه‌ك باره‌گای سه‌ره‌كی به‌كاربێنێت دوای ویلایه‌ته یه‌كگرتووه‌كانی ئه‌مریكا.
ئا: شاكار محه‌مه‌د
س: ئاسوى ئايتى
ليست هناك تعليقات:
إرسال تعليق